因為武肺封閉嘅草地得到重生，因為武肺聚集遊人嘅泥徑蒙受每日每分鐘幾十步嘅踐踏變成沙漠。
其實人嘅碎小慾望真係好恐怖。
又要舒適又要安全，又要新鮮又要獵奇。手機相機呢個發明真係害咗呢一代。
因為困返喺一個特區，所以特別明顯見到人多帶嚟嘅荒誕現象，同因為武肺而封閉嘅遊樂場燒烤場恬靜而青草重生嘅區分。即使日常見唔到，但人嘅慾望意志都係不息不止，只係分散地球唔同角落；而即使做足節約、環保、回收，只要有使用工業生產消費品，生產過程就已經帶嚟消費層面睇唔到嘅廢物、污染、傷害。不過情緒主導嘅人類總係眼不見為淨。
生於現代而討厭現代；生於城市而厭惡城市。唔知脫離現代城市消費模式係咪可以改變呢個命運。
