x'mas 2007

終於我都有意欲去打呢個 blog
大概都係記下呢排做過 d 咩, 諗緊 d 咩

考試
說真的冇乜點溫過書
大部份時間都係 hea
全部都係臨考之前個晚 go through d notes 一次
同埋即使考 9:30, 最早都係三點訓

聖誕
呢個聖誕大部份時間係 hall 過
本來可以有多兩個選擇
返屋企
但係之前幾日返左屋企發覺係屋企真係冇咩好做
除左睇電視就係睇碟
所以過左兩日就返左黎 hall la
出街
我都以為呢個假期可以出多幾次街
照計約返 d 中同見下面聚下舊都好正常 je
但係而家我真係灰到盡頭 la
唔知點解好難搵到一個機會一齊出黎搵 d 野做下
可能佢地都好忙啦
結果平安夜個晚同樓友落左 cwb 食飯打機
boxing day 同家人睇燈飾食飯
前日同幾個 frd 去左 cwb 個間 outback 食好好味既芝士薯條同焗薯 + 打機
如果計約既話其實我都唔係咁無聊既
不過我而家已經灰到唔想再約人啦
順其自然就算啦
呢 d 野都係唔可以強求既
或者我真係唔係一個咁重要既人物啦

hall
十二月係出 pool 既季節
好多人排住隊出 pool ar
雖然唔關我事, 但係身邊都有 d 事發生左
始終對我黎講都唔係開心事
不過而家俾我既感覺係
住 hall 就是為了出 pool
...
hockey
revision week 有場 league
去左打籠
著左成套甲
個感覺幾特別
雖然最後輸左, 但係仍然係好好玩
對上兩次 friendly 都有一場俾 freshmen 打
我地 full freshmen, 人地就前後都係 current
結果都係捱打
不過打一場 match 真係比練幾次波有用好多
雖然最後輸左, 但係仍然係好好玩

電影
呢排都睇左好多套戲, 包括睇碟
塚愛, 投名狀, the polar express, 穿越時空的少女, 殺破狼, 十分愛, 食神
有兩套我想睇 ge 戲, 結果都係冇睇到
夏天的尾巴, 破事兒
新年上個套長江一號我一定會去睇

家人
住左 hall 咁耐
最少一個禮拜都會返屋企一次食飯
最多都係住兩晚
少唔少, 多唔多
考試個段時間竟然產生左一份思鄉既愁緒
我覺得自己好似獨自係異鄉生活咁
身邊一切都似熟悉實陌生
唯有家人最親, 唯有家人我會講真心話
當我諗起生命裡最重要既人
我諗起父母雙親
我曾經有衝動今年聖誕買一份聖誕禮物送俾佢地
但係最後因為太過匆忙而冇做到
我感到好可惜
而我最近亦向佢地講左一個大話
我感到好內疚
最近有個親戚入左醫院
而我媽媽早前又去左睇急症
翻開報紙有少女將骨肉掟落街
車禍兩死一生還
我感覺到生命既無常
唔知下一秒會發生咩事
唔知自己幾時會死
一切都叫人要珍惜身邊既人
但係偏偏我就做唔到
我感到好傷心, 好懊惱

世間上好多野都出現矛盾
好多野都 no solution
點解我會生存係一個咁既空間裡?
我有時係道諗
如果有一個地方存在每一顆生命既倒數計時器
或者我地會對自己既人生有更好既 planning
後悔遺憾就毋須要出現
我對呢個世界其實好不滿
有好多野都唔應該咁樣發生
偏偏我地就要係呢個咁唔完美既世界裡面墮落
扮追求完美
最後還是一死

living with the real me

呢幾日不停咁諗返起中學既日子
睇黎我真係好懷念中學時代
那種純真程度, 每天已被安排的活動
實在太快活了
而且我重未接受到對左七年既同學朋友眨眼間好久不見
一切似係已經適應落黎
其實暗地裡我重係個個樣子
大學真係好大
我仍然每日係道學習緊與人相處之道

諗返起當初話要住 hall
我話要改變自己
原來我發覺 it is impossible
當我嘗試做一個新的自己
我發覺原來擺脫唔到舊的影子
個個係真的我
我無法違背自己做一個自己塑造既人
於是而家我更加堅信呢個係我既性格
我冇動機去將之改變
反而係學習點樣以此去適應生活

早幾日睇左 "十分愛"
那是一個好震撼既結局
令我驚覺原來呢個世界真貌係咁樣
我唔知而家身邊究竟有邊個真係信得過
而我亦都開始去保護自己
原來父母親先至係我最親既人
諗起父母, 就想回家
睇左 "塚愛"
對個份有如悲劇既感情極抱懷疑態度
可能因為睇左之前套戲
令我質疑世間上到底有冇真摯既愛情
老實講, 真係有 d 灰左
我覺得自己仍然活係純真既國度
完全冇意願去接觸呢個世界虛假而真實既一面

失去了才懂珍惜
我發覺呢個原來係永恆既道理
人既天性無法改變
離開左中學, 我懷念那一段時光
我知道當我離開大學, 我也會懷念而家呢段日子
以前我好渴望擁有一個屬於自己既私人空間
而家離開左屋企, 我不時都會想念屋企人, 爸媽同我的妹妹
呢一刻我彷彿感覺到
我的骨子裡流住我爸我媽的血
我而家每日都好掛住好久不見既朋友
腦裡面有大家一齊玩既畫面
而家大家各散東西, 已經冇可能再次如此遇上
懷念一齊食米之寶既下午

讓我再次醒覺我要追求真我
呢個地方埋沒左我好多以前喜歡做既事
所以我經常懷念以前一起行山, 踩單車, bbq, 玩 uno 的日子
縱使呢個世界有幾複雜, 多姿多采, 花多眼亂
我仍然可以保持最初個種心態
去面對接下來既每一個明天