after physics

考完 physics 的感覺是:

點解企係台上講野既考官 d 英文都咁屎
兩個都一樣咁屎
designated 讀左 decelerated
肯定我好過佢, 但係點解我要坐係台下聽佢講野

返到樓下
企左係道等 "車立"
兩部一齊上左廿幾樓
但係人地一行入黎就有 "車立" 搭
點解人地唔駛等, 我要等咁耐

世界真係唔公平
"一分耕耘, 一分收穫" 唔好再勉勵我了

講真
mock 之後
我真係 pay 哂所有 effort 落去 physics 道
我驚 wong kin tong 失望
我驚我有興趣既同考出黎既唔成正比
不過考完個刻既感覺明顯與其相反
我好似投資失敗
叫我點面對其餘兩科
mock 之後都冇溫過
希望全世界都話, 今年的 physics 好難
咁我肯定好過 d

我想同自己講, 我盡力了
不過可以嗎

complexity of friendship

考完 ue 同 pure
好耐冇打過 blog
唔係唔想打, 唔係冇野打
呢排好少用電腦, 同佢好似好疏離咁
所以心都冇交出黎

ue 既感言就係
費最少力氣準備既一科
冇嘜壓力, 就咁去考, 一切隨緣

pure, 有 d 唔甘心
唔識做既通通係 time's up 一刻之後識做
其實份卷唔可以話難...
實在唔係我最佳狀態既發揮...

唔講考試...
其實呢排心情都持續地 down
當我 down 既時候, 你就會發覺同平時有 d 唔同
即使你講笑話, 我都未必想笑...

經過連月來與人鮮有接觸既日子
一個人獨自胡思亂想
我發覺人與人既相處真係一門好深既哲學
我嘗試控制自己既思緒感情
維持我唔想改變既態度
倒頭來, 會換來反效果
有 d 朋友, 你會同佢食飯, 但係你地唔多講野
有 d 朋友, 你同佢食飯, 有講有笑, 但係明顯係笑話居多
好多時候, 都受客觀環境決定左好多野
但係有 d 野, 即使時間, 空間既改造, 都改變唔到
有 d 朋友, 好少見面, 說話唔多, 但係一講起上黎停唔到, 傾到凌晨, 傾到聽朝
有 d 朋友, 好少見面, 一見面就講個唔停, 即使充斥笑話, 仍是感到開心滿足
有 d 說話, 你會同呢個講, 有 d 同個個講
你會知道邊個會聽邊個會明你講咩, 會同你一齊笑, 會一齊經歷一段日子
有 d 朋友, 即使你好想同佢做好朋友, 不過始終限於打招呼問候幾句
有 d 朋友, 同你係真心精神上交往, 大家有默契, 識得珍惜
有 d 朋友, 好少見面, 你會成日想再約多一次, 一齊玩, 懷念那次暢懷傾吐

我覺得呢 d 分別
唔係在於時間同空間既變數
係真係你同我心靈交往既結果
有好幾次, 同呢 d 朋友冇諗過可以咁 friend
不過經過幾次相處之後, 真係發覺大家岩 channel, 嘴形夾
而且對方都覺得同你岩傾
係呢 d 交往上, 多年前, 我冇諗過有咁既收穫
今日, 我真係感到好滿足
有 d 時候, 你會對某某要求高了點, 覺得好似唔舒服
不過當佢唔係你身邊一日, 你又會覺得囉囉攣
就係呢種奇妙感覺, 令我驚嘆人際關係之淵博哲學

近日聽 903 nokia music talkie
發覺原來呢個故事唔只係我既故事
原來世界上十幾公里之外的某某都有同樣遭遇
遺憾係如何發生? "人來人往", "let down", "808"...
原來我唔係不幸一個, 而係不幸中之一個

好多時候諗返以前
form1 form2 逐年數
好多小事大事都難以忘記
大概好多都只係我一人既感慨, 對其他人黎講, 沒甚麼大不了
尤其一 d 片段場景, 我會好深刻諗返起
唔同時間裡, 我同唔同人食 lunch
打籃球, 踢足球, 遊英國, 掟粉擦, 公園玩...
一幕一幕, 就好似菲林係眼內掃過
而家, 大家都各散東西
有 d 見面打個招呼, 有 d 已成陌路人
有幾多個到而家仍然不時見面, 談談近況!?
"然後樹老, 身體老, 情從來沒有老
可惜這個城市裡, 從今找不到你..."

返返黎而家
有時候, 有 d 說話好想即時同某某講
不過時間空間限制, 我將佢藏係心底
一直堆砌起黎, 留俾自己消化
唯有電腦呢部, 多年來一直陪伴我成長
我有咩都留返同佢講, 大概佢係最清楚明白我一個
今晚佢又幫我分憂解悶, 聽我心事
我的電腦, 多謝你!

april's fool day

today is 1 april
anything special?
let's listen to some songs of one of the greatest stars - leslie cheung
張國榮







一如以往, google 發揮它的幽默性格
推出了 Google TiSP (beta), 以廁所連接 wi-fi
http://www.google.com/tisp/
please check http://google.com
不過這個太明顯了, 一看就知
相比 googlunaplex in 2005, 我真的被它騙倒了
因為它太意念創新了, 且計劃周詳, 還叫人應徵... =.=





今天從新城市行到瀝源
從瀝源行到禾輋
從禾輋行到第一城
很喜歡自己一個走路
我發覺讀中化讀壞腦了
不斷在想關於文化篇章的內容
wonder vs concern, 分與合
其實我認為實是兩者兼備, 只不過
不知道那個是出發點, 那個是歸向點... confused
另外想到的, 就是
我發覺我在新城市的範圍內
很介意別人怎麼看我, 而我亦不停望別人的衣著
就像覺得自己入了上流社會, 格格不入
是否我自卑心太重? 抑或我根本不適合到這些地方?

當我走到瀝源, 禾輋, 城門河之上
我感到很舒服, relaxed
好像膊上的重擔卸下了
我欣賞的是四周的環境, 建築, 風景
例如禾輋的井形公屋, 瀝源的鳥語和簡樸的居民生活
一橋之隔, 真是兩個差天共地的世界
橋的作用把兩個世界拉近, 但沒有了橋才可將兩個世界強烈地對比起來
還有 "生命 '手查' fit 人" 取景的馬路
不知你有沒有看過
朱茵與黃貫中在瀝源某街道上踏單車, 那場景
今日重遊, 看不見這班四處遊蕩的年青人
不過就如他倆最後回到那裡彷彿看到那情景, 很是特別

在新城市的時候我很著緊自己今天穿得是否很怪誕
是否不應這樣配襯
不過當我走到城門河之上時
我擔心的是我會否被清風吹走了, 吹到河裡去
那真是很不同的感覺
站在物質面前, 想的只能是物質
但站到它之外, 就會豁然明白到,
那只是煙火雲霧, 一息間就消散幻滅
城門河不再像以前被冠的臭名遠播
現在它是可愛的
映襯在這河的岸上, 是不同年代建成, 不同風格而千姿百態的住宅樓宇
一再引起我注意的, 就是那穗禾苑
容我以巍峨形容它那屹立高處的氣勢
樓閣的分佈, 每一幢的輪廓, 都超出河畔一帶屋苑可見的
實在非常引人注目
不知道住在裡面的人看站在城門河畔的我, 又是怎樣的滋味?

放鬆了, 明天的 ue 盡力好了
不過顯然兩科 al 不夠時間準備
看來還是要 "執生"