唔講唔知去咗踩單車
Nov 27, 2017
Nov 23, 2017
vase
《花瓶》這首歌很有趣，這個角度我確未如此想像過。
我和你的關係，以房客與花瓶來比喻。我是一個透明的軀殼容器，你過幾天就把不同的花束帶回來，以我來盛載花束，給他澆水陽光，讓他們綻放，讓我們共同感受花卉燦爛芳香，就是我和你愉快的相處時光。
花會謝會開，就像我們身邊發生的事，有始總有終，但我只會碎不會衰，只要好好愛惜總會留在你身邊，不過萬一砸碎了就一去不復了。
還有一個重點，你我花之間，我沒有扮演主角，一直只有來來去去的鮮花才是你心中的主角。這個想法把自己物化成一個被動角色，也只是你生活上一件附屬品，沒有你我就只是一個玻璃容器。我和花之間呢，也只有物件相互存放之關係，甚至花會生老病死，我也無動於衷。
想這也算是一種極端的單戀感覺，是僕人對主子產生的感情。但如果二人之間兩者都以此觀念相待，我是你花瓶，你把鮮花帶回來，我為你盛載歡樂，彼此呵護彼此盛載，房間就成為了一個花藝莊園，也是一種相濡以沫之道。
20170929
#花瓶 #盧巧音 #梁翹柏 #喬靖夫
Nov 17, 2017
Nov 15, 2017
twinkle twinkle little star and then empty hands
「一閃一閃小星星
簡簡單單一輩子
就從頭到尾哼一次
忘記智商去做人都願意」
雖然唔係話聽過好多首出自林夕嘅歌詞，有時都會諗點解咁執意著迷佢寫嘅歌。
啱啱食完飯一個人坐車返家，「隨機」就播到
「當天應該得七歲
我想喝媽媽的汽水
把它搶在掌心裏
大人無法迫我睡」
「一閃一閃小星星」嗰句都耳熟能詳，來自童謠嘅旋律，想講簡簡單單嘅思想，我哋童年時係咁諗，長大到一個點就返唔到嗰種純真的心。
首歌大概都係呢個意思：同人相處嘅關係當中，你期望人哋畀到咩你，人哋冇必要畀到你；就算畀你搶／爭取得到，係滿足你一時嘅佔有慾，但唔會換來一起嘅快樂。
再耐心睇多少少歌詞，呢句
「誰願欠我一世 人間散步
善良人永遠天真到
做好心不信得惡報」
當中「誰願」的誰，「人間散步」是誰，「善良人」又是誰。就讓我覺得，林夕唔係咁直接寫「我」就係嗰個善良人，「我」就係純粹做好心，點解「他」要負「我」，給「我」惡報。
如果咁諗，其實仍然離不開放大自我嘅觀點，覺得同人相處，我已經對人好，唔明白人點解對我不好，然後話
「今天起睡得夠最重要
以後幸福亦未必敢笑」
唔去佔有人，但係以後只以自己開心為重，又會所謂幸福。
所以我以為林夕所寫嘅「善良人」、「人間散步」，甚至「簡單」都係要放低自我，做到「忘記智商」先可以做到。善良唔係我覺得我對你好，我就係善良，係需要放低「我對你好」呢個觀念，無機心無前設無考慮。
呢點係我食完呢餐飯其中一個好強烈覺得同檯人嘅現象，大家可否簡單一點，放棄計算猜疑怨恨，返返去細個嗰時嘅初心呢。
然後「隨機」聽到呢首歌，令我重新思考我係咪真係做到呢。我真係未做到，點樣做到清空雙手，摒棄執迷，忘記智商，先可以重新認識呢個世界。要做到「空手」，比起《空手道》裏一場拳賽，一個道場，更需要在艱彌厲。我有嘗試過，但係覺得辛苦吃力，呢個係我最近感到困惑一部份。
#小星星 #空手道
