新年願望

首先，時間本身無起點亦無終點，年月日星期節日呢啲都係曆法係人定。時間嘅週期，例如四季潮汐，呢啲就係天定。

新年，咪又係各處鄉村各處例，何謂新一年？曆法又可否套用於其他地區？

恭喜發財、身體健康、心想事成、萬事如意，呢啲「祝賀詞」個個都講到朗朗上口，又有幾多個夢想成真？夢唔係發就有，係要一步一步實踐，想身體健康，要注意飲食，想心想事成，要有實踐計劃，唔係講得多就會有。

再者，生老病死係必經階段，得失亦非恆久必然。必須明白，有始必有終，有起總有跌。萬物係一個循環機制，有因就有果，你生財就有人破財，如你意就不會如人意，何以追求自身歡愉而忽略他人所捨，反映呢種觀念都係利益心態。

依我睇，更希望各人有面對無常嘅勇氣同器量，得意時要懂得珍惜，失意時要懂得面對，幸福本來就在身邊，最好的尚未來臨。咁先係新年快樂之道。

WasteNoMall

#不是垃圾站 #WasteNoMall
正在進行中

佢哋提出一個改建食環署垃圾站成多層回收共享及垃圾處理站嘅建議，
同時利用接近民居公共空間示範如何有效將「垃圾」分類回收，
另外一邊設成定資源共享攤檔，舊不一定係垃圾，或者你唔要嘅有人需要。

https://www.facebook.com/WasteNoMall/

個人意見：
冇必要（冇咗唔得嘅理由）就唔好買、接受。
拎咗返屋企就用到盡再清潔、分類回收。
囤積喺屋企唔係珍惜資源嘅表現，應該付諸實行，將資源分配畀有需要嘅人。

contemplation of the setting sun

日觀
吳炫樺

「淨薈」美術展覽 2017 《不思議界》

20170115

圖片來自 http://www.purelandassembly.org/art-roadshow.html

de1 de1

介紹返，佢叫嗲嗲（de1 de1），好想知邊個係佢媽媽，流浪其實有冇家庭？

20161229

批評定讚美

批評很容易，任何人做任何事，隨便總可以找到批評的切入點。正如騎驢四格圖，充份說明所有可能性都會有支持與反對者。

要做批評者還是欣賞者，取決於接觸者。從小到大，從家庭到朋輩到工作間，一直以來浸淫於批評的慣性中，以為懂得批評才是生活態度，找到存在感，批評才是茶餘飯後的吹水話題。但，「批評」帶來的負能量，沒有令人活得開心點，也沒有令觀念變得完美。

批評的相反是欣賞、讚美，我想我們從小都已經懂得欣賞，但還需擴展自己欣賞的闊度、深度，放下自我喜好，欣賞別人的風格、別人的努力。人不是為負評而作為的，人人都有其作為的理由、背景、故事，批評只抹殺看不見的前因。我們喜歡被讚美，同時卻聽厭泛濫的誇獎，於是社會埋沒真誠的讚美。其實我們還懂得怎樣讚美別人嗎？遇到不認同的取態或不合預期的事情，找到讚美的理由嗎？

懂得讚美，存在的空間變成另一個新世界，許多地方好像變成一個新景點。放下既有觀念，世界還有很多別人的事來不及了解，花一生經歷還是新鮮的。

攝於 20160506
寫於 20170103