我發覺自己瘦咗好多
梗係啦
呢排嘅生活可以話係毫無規律
睡眠
再冇分咩叫睡眠時間
眼睏就可以瞓
眼瞓就要瞓
以前就話天光先訓叫做日夜顛倒
但係好似開學到而家都係keep 住咁上下鐘數先訓
有時點幾鐘就訓左
天光就起身打早波或者溫書
沉晚就試過食左夜晚餐飯就訓著左
三點鐘起身跟住直落
訓覺既地方亦都冇定
做做下野頂唔順掉轉身就可以訓
係 lab 就放低個 pane
返到屋企唔知點解而家成日都訓 sofa
食野
開學以來好似只係正式食過一兩次午飯
其餘都係食 tea 就係成日既第一餐
有時早左起身或者食埋早餐先訓
就會tea 都唔食
第二餐就係晚飯
平時夜晚打波
食左 tea 之後下一餐就係宵夜
D 舖頭都閂晒
唔係食 m 記就係可可個 d
上個禮拜 wlf 個排
有幾日 keep 住隔左成十二個鐘先食一餐
餓唔死又幾好野
priority
我點排呢
我發覺自己擺得太多時間係打波度
有時有其他緊要野做都推走左先
要重新將打波呢樣野定位
讀書本來應該係做大學生最重要既事
但係而家我都唔知搞成點
集中唔到
有好多其他更加珍貴既活動會令你分薄左讀書既時間
例如今晚有中學同學聚會聽日有 assignment 要交
你點都會出左去先
份功課今晚通頂先搞掂佢
講到住 hall
我覺得住hall 根本就係同讀書相對既事
本身應該唔係
但係 d 人加上你自己既責任心會令你變成係
有時我覺得大家真係 over 左
好似 wlf 呢樣野咁
唔參與又唔係
撻下又唔得
有時 d 活動真係好嘥時間
唔 enjoy ge 話真係好辛苦
呢個禮拜六日冇返到屋企
禮拜三先返
唔想連 keep 住一星期返屋企一次都做唔到
要學會對某些事情 say no
應該要清楚自己想做咩
唔想做 d 咩
有 d 咩係基於責任承擔
有 d 咩係值得做應該做
我唔係覺得好迷惘
只係喺眾說紛紜之中提醒返自己啫
同埋我真係要食多 d 野 =]
No comments:
Post a Comment