bird & fish

我記得我曾經講過，「心中想與你變做鳥和魚，置身海闊天空裏」，聽落好浪漫好奔放自由。

「並著似在飛輕鬆自如，同吸清新空氣」
「游來又游去，湖海多美，拋開人生的顧慮」

但係呢個諗法實在太殘酷，我哋會唔會想變成我哋日常嘅食物？作為鳥和魚，或者真係簡單得自由奔放，但係由人變成鳥和魚，帶著人的記憶同經歷，係咪甘願被人捕獲、殺戮然後成為食物？

我諗唔明究竟係想食肉先，定係嚮往佢哋嘅習性在先。既然羨慕，又點解要侵食佢哋。如果想食係本性，點解又會羨慕佢哋。

向為呢餐飯而喪生嘅動物致哀。我會感激佢哋嘅犧牲，嚟成就每人一件事。有啲人帶著歡笑離開，有啲人飽滿，有啲人感悟到一種刻骨銘心嘅「苦」。