mock-examining

今日考完 applied maths. 出黎成個人好空虛
唔知自己做緊咩
心裡面不停想住之前 d 題目
諗緊邊條識做但係做錯
唔識個條應該點做
點解 miss 今次咁失魂?
改到連學生唔識做都懷疑係出錯
咁又點會做得好?
至慘係有條識做, 做左好耐
點知後來發覺原來 integration 出左小錯誤
我諗都冇幾分執到...

係自修室幾個鐘冇溫過書
依然好空虛
有 d 眼訓, 不過又唔想訓
想搵人傾下偈, 但係又冇人得閒
mock 就係咁
本應該考完成個人鬆哂
但係明知呢個係真正考試既前奏
變左原本放鬆既無法放鬆
應該著緊既繃得太緊冇左彈性
就係呢個唔拖唔水既局面
平時返學都話有不少時間 hea 下, 玩下
而家日日對住 20cm 以內既野
真係會黐線

呢幾日都係午飯時候考試
變左多左時間食早餐
於是特登搵兩日出左去食麥記同大快活
麥記既精選全餐
有薯餅, 炒蛋, 豬柳, 漢堡包配果醬, 可樂
大快活有
多士, 脆皮腸, 煎雙蛋, 麥皮, 熱奶茶
好好味, 慢慢歎, 享受早晨既陽光, 好享受!
如果每朝都可以咁就好!
早上一餐食得開心, 成日個人都精神爽利 d
另外今日專登留個肚去吉野家食牛肉飯
好耐冇食過吉野家
自從上次陸運係大埔食外賣
吉野家都係我至愛食店之一
可觀價錢, 美味套餐, 亦係享受

呢幾日朝頭早屋企冇人就大聲播歌
一路播一路唱
at17!
好好聽!
個首 "成人禮" 百聽不厭
可能因為正值十八年華, 共鳴感超大
"成人禮" 的一段音樂亦長期成為我手機的鈴聲
其他喜愛之選包括 "他和她的事情", "青春", "始終一天", "才女", "我愛班房", "sing sing sing", ...
at17 真係好好聽
joey 既 "華麗邂逅" 意境好正
令我聯想起 "幸福摩天輪" 既意境
"天使的禮物" 既幻想, "浮遊宇宙, 銀河上星斗, 夜航降落, 遊蕩浮華, 禾稻田停下, ..."
另外一首 "黃色大門" 當中女生既幻想似是對 "華麗邂逅" 既回應...
都係個種類似既感覺
究竟我既夢想有冇可能實現?

希望經過呢篇口水既發洩之後
聽日可以專心溫書...