好時辰

遇上你　太感恩　不遲亦不早　等我笨夠了　傻得多　方前來抱抱

20161228

Photography by @maryannhk
Floral arch by @vivify_solution_wedding

理想對象

一張張漂亮婚紗相　連眉目都似在發亮　改天你與我來一張　該很理想

the last moment of friendship

相遇，相識，相擁，相傾。相約，交往，同行。互助，互勉，共樂，共悲。
從這邊，走往那邊。
最後的朋友關係。

20161227

致前度

或者你已經唔再 give a care，但請容許我將心裏面潛藏嘅感覺講出嚟。

回想起那些戀愛，曾經我感到無論如何努力做好自己，有些事情總會在生命終結時帶著遺憾一併離開。

遺憾，係一種負面諗法，亦係主觀意見，其實從來都唔知，何謂完美，你嘅完美未必係人哋嘅美滿，完美可能只係一種主觀想法。所以學習接受，接受過去嘅故事只留在過去，過去不可以帶到現在，沒有那個過去就沒有這個現在，現在一定可以做得更好。那就不必執著遺憾了。

林夕讓我彷彿去過一趟雪境，感激千堆雪曾經落在長街，但日出一到彼此卻必然瓦解。拆不拆開裏面完美的世界，才是決定送信還是收件，護送還是保管。走過一趟雪中送信，雪已下過，信亦送妥。

我們就似天地之間星和雲、風和塵，數不盡，實無形。與天地常在，就是我們的掛礙。

祝願愛過每一個幸福快樂。

「初戀難忘心痛
你可會記起害你哭崩半天的歌　如像往日你我」
有你有我 - Supper Moment

「你是一封信我是郵差　最後一雙腳惹盡塵埃
忙著去護送　來不及拆開裏面完美的世界」
郵差 - 王菲

「共你就似星和雲　昇和沉　彼此怎麼掛礙　美麗多於遺害
共你就似風和塵　同不同行　與天地常在　那怕沒法再相愛」
守望麥田 - 王菲

「謹將這首歌獻上給我從前每個男孩　如盛放的花朵」
給我愛過的男孩們 - 彭羚

關於送禮

冇計算住各方親朋好友會預備幾多禮畀我哋，但係知道「依照一般傳統」，為表心意我哋都會預備或多或少禮物或者利是，送畀一對新人。

我哋兩個都有一個理念，簡單講就係覺得大家唔使送甚麼禮物或者「人情」畀我哋，表面原因就係，唔好「禮尚往來」呢種社交模式。我哋再深入探討，提到「物質主義」，「迫人哋接受你所送出的禮物」呢啲問題。我諗大家都有試過玩交換禮物接收咗啲用唔著或者唔鍾意嘅物品，正面啲諗就係「人哋一番心意，送贈者嘅選擇代表住送贈者嘅為人特色」，雖然就個別事件咁睇，係唔值得介懷，但係宏觀少少睇，點解整體人群社交會以買、送禮物嚟表達心意呢？有冇一種更直接或更有意義嘅表達方式呢？

「人情」方面，我哋邀請各位出席我哋嘅婚禮，其實係一心一意想將我哋嘅喜悦分享畀大家，並冇諗過要任何金錢上嘅交收。場地模式使費係我哋嘅選擇，我哋應該自己負擔。再者，我個人實在好批判呢種不明文規定「嚟出席要畀『人情』嘅習俗」，我完全唔認同「人情」係可以以一份金錢去 fulfill。如果我只係「邀請」你嚟，而唔係「請」你，我應該要講清楚呢餐每人夾幾多，咁樣對大家都公平。

或者我咁講係挑戰緊好多人嘅價值觀，或者直接得罪咗一啲人，或者有啲人接受唔到，或者係我太偏激…，請容許我講聲唔好意思，我真係唔想隨波逐流，我係想每件事都諗一諗背後嘅故事同意義，咁樣做起嚟先可以理直氣壯，對得住天地人。呢個亦係我一開始搞呢個活動嘅理念之一。

可能係遲咗少少，如果可以的話（唔得都冇所謂嘅），我會建議將呢份心意轉化為慈善力量，幫助社會上嘅弱勢個體。個人嚟講比較支持「動物權益」同埋「保護地球」嘅組織。多謝。

dede the kitten

人生這可怕的染缸有所有污垢要面對
人轉眼將會大個女