a matter of confidence

learn how to learn
this is what the manager always tells me

講真
係呢道真係學左好多野
令我覺得自己真係好蠢, 好 on 9
簡單斟杯水, 因為冇水壺, 搞到要等個水壺返黎, 係一件好 on 9 既事
(即使佢地冇係我面前咁話我, 但如果俾我見到第二個我都會覺得條友好 on 9)
原來可以將隔離隻杯 d 水倒過黎
(你明唔明呀? 我完全明白了!)
...
要唔 on 9, 咪就係要食腦囉
用下個腦, 問題就可以自己解決
唔駛人地下下教你

做餐廳, 最緊要快
佢叫你乜野, 你要即刻俾到佢
呢個係道理
nobody would expect you dont know how to do
學識點做係你要做既事
人地冇必要教你
俾人話過, 之後就醒目 d 啦

有個同事遲我兩三日入黎
做左兩個禮拜打爛三次野
諗住唔做, 佢話冇晒信心
it's up to you
不過我覺得, it's all a matter of confidence
新人入黎乜都唔識, 梗係會驚做唔掂
不過人地又做得掂
信心係自己俾自己的
你覺得自己得, 你就得
你覺得自己唔得, 就呢世都唔得
打爛左咪掃返乾淨, 下次唔好再咁樣打爛囉
最緊要明白今次點解打爛, 下次咪唔打囉
講真有邊個未打爛過野, right?

我發覺經理級既人都幾鍾意同 d 後生仔吹水
今晚非常幸運地俾三個經理叫埋黎坐低講下野
一個係呢道分店經理, 一個係第二間, 一個係 xxx 總經理
話就話吹下水, 其實真係袋緊錢落你袋
"讀書為左咩? 黎呢道做野為左咩?"
"你問下自己, 有咩比其他人優勝? 甚至比你隔離個個優勝?"
now i have my own answers
難得佢地咁肯俾機會社會上既新人, 真係難能可貴
尤其我個經理, 乜都教我, 真係 "恩人" 咁拜
佢話呢道係 "伊甸園", 我真係 totally agree
唔係行運既話, 我真係唔會有條咁好行既路
(我唔信命運)

好鍾意返夜晚
因為放左工有宵夜食
同佢地吹下水, 夫復何求
搭尾班巴士返屋企
坐係車頭望住路上既白線由遠至近
獅隧通常都會閂左一條管, 單管雙程
每日就係咁搭成粒鐘車出入...
今晚趕唔到尾班車
搭左程尾班地鐵, 再轉通宵小巴
個司機係獅隧出黎條公路道踩到最盡 101 km/h
都幾 high

出黎做一個月野真係勝過讀一年書
經驗累積出黎
我而家學到既英文真係讀多十年都冇可能學到
呢一刻, 我覺得讀書真係好 on 9
尤其考埋 d 9 氣既 a level
你問我上大學做乜, 我某程度上真係答唔到你
態度改變人既一生, 呢句說話是對的
有人問我呢份工辛唔辛苦
我覺得應該問既係, 呢份工學唔學到野
i enjoy my work
因為我覺得, 自己係 serve 客人既時候, 係心的服務
真係發自內心 say "thank you"
希望你 "enjoy the meal"
有 d 鬼佬係你 serve 佢既時候佢會好禮貌地 thank 你, 附以微笑
呢個真係最 rewarding 既 reward
希望 d 客人真係感受到個廣告個種感覺
"your every smile, your every greeting...
熱情香港, 好客之道, 點少得你..."